တောင်ကုတ်နယ်ဘက်က ကမ်းကပ်ဖို့ ကြိုးစားတဲ့ စစ်သဘေ်ာ တစ်စီး AA လက်နက်ကြီးကြောင့် မီခိုးတွေအူပြီးထွက်ပြေးရ
လေးဝတီFM
၂၃ ၊ ဧပြီ ၊ ၂၀၂၆
ဒီရက်ပိုင်းမှာ စစ်ကော်မရှင်ရဲ့ စစ်ဘေ်ာတွေ ဟာ ကမ်းကပ်ဖို့ ကြိုးစားနေကြပြီး ၊ ကမ်းအနီးတိုးကပ်မောင်းနင်လာတဲ့ စစ်သဘေ်ာ တစ်စင်းကို အေအေ ဘက်က လက်နက်ကြီးနဲ့ ပစ်ခတ်လိုက် လက်နက်ကြီးထိမှန်ပြီး ပြန်လည်ထွက်ပြေးသွားတယ်လို့ သတင်းရရှိပါတယ်။
ရမ်းဗြဲမြို့နယ်နဲ့ တောင်ကုတ်မြို့နယ်ကြားက ရေပြင်ကတဆင့် တောင်ကုတ်မြို့နယ် ဆိပ်ကမ်းဘက်ကို တိုးကပ်လာတဲ့ စစ်သဘေ်ာကို ဧပြီ ၂၁ ရက်နေ့လည်ပိုင်းက လက်နက်ကြီးနဲ့ ပစ်ခတ်လိုက်တာဖြစ်ပါတယ်။
"တောင်ကုတ် ဘက်ကနေ လက်နက်ထိပြီး မီးခိုးအူပြီး ရေလည်ကို ပြန်ဆုတ်သွားတယ်၊ အဲ့တစ်စီးက ပျက်သွား ထိန်းရခက်နေတဲ့ အချိန် နောက်က သဘေ်ာ နှစ်စင်းက လိုက်လာပြီး ပစ်ကူပေးတယ် ၊ တောင်ကုတ် ဘက်ကို ရမ်းသမ်းပစ်သွားတယ်" လို့ စစ်ရေးသတင်းရင်းမြစ်က ပြောပါတယ်။
စစ်ကော်မရှင် ရေတပ်ဟာ သံတွဲ မောင်ရွှေလေး သပြုချိုင်ဆိပ်ကမ်းတွေကနေ ကမ်းကပ်ဖို့ ကြိုးစားခဲ့ပေမယ့် မအောင်မြင်သလို ၊ အခု တောင်ကုတ်ဘက်ကနေ ထပ်မံကြိုးပန်းနေတာဖြစ်ပါတယ်။
"မာန်အောင်ကျွန်းထိပ်က ရေလည်ကျွန်းမှာ သူတို့ စစ်သဘေ်ာတွေ ၊ စပိဘုတွေ စုနေတယ် ၊ အဲ့ဒီကနေ ကမ်းဘက်ကို ကင်းထောက်တယ်၊ ညဘက်ဆိုရင် မီးလင်းတဲ့နေရာကို ပစ်တယ်" လို့ ဒေသတွင်းအခြေအနေကို သိရှိတဲ့ စစ်ရေးသတင်းရင်းမြစ် က ရှင်းပြပါတယ်။
စစ်ကော်မရှင် တပ်တွေဟာ မာန်အောင်မြို့ကို ခြေကုပ်ယူထားပြီး အင်အားဖြည့်တင်းထားတယ်လို့လည်း မြေပြင်သတင်းရင်းမြစ်တွေကပြောပါတယ်။
စစ်ကော်မရှင်ဟာ ဆုံးရှုံးထားတဲ့မြို့တွေ ပြန်လည်ရရှိရေး အတွက် ရေတပ် ကို ဖိအားပေးပြီး ကပ်တက်ဖို့ အမိန့်ပေးပြင်ဆင်ထားပေမယ့် အေအေ ဘက်က ကမ်းရိုးတန်းတစ်လျှောက် အတားအဆီးတွေကိုလည်း ပြုလုပ်ထားပါတယ်။
စစ်ကော်မရှင် စစ်သဘေ်ာတွေ ဝင်ရောက်နိုင်တဲ့ ရေစူးနက်တဲ့ ဆိပ်ကမ်းတွေကိုလည်း အေအေ ဘက်က ထိမ်းချုပ်ထားပြီးဖြစ်ပါတယ်။
