ကျောက်ဖြူတွင် ရွှံ့မီးတောင် ပေါက်ကွဲမှုဖြစ်ပွား
(ကျောက်ဖြူ ၊ ဧပြီ ၂၅)
ရက္ခိုင်ပြည်၊ ကျောက်ဖြူမြို့နယ်၊ စိုင်းခြုံဝကျေးရွာအနီးရှိ သစ်ပုတ်တောင် ရွှံ့မီးတောင်သည် ဧပြီလ ၂၄ ရက် ည ၁၁ နာရီဝန်းကျင်တွင် အရှိန်အဟုန်ပြင်းစွာ ထပ်မံပေါက်ကွဲခဲ့ေကြာင်း သိရသည်။
မြေအောက်ဓာတ်ငွေ့နှင့် ကုန်းမြေထုလှုပ်ရှားမှုကြောင့် ဖြစ်ပွားသော အဆိုပါပေါက်ကွဲမှုကြောင့် ထွက်ပေါ်လာသည့် အသံနှင့် အလင်းရောင်ကို အနီးနားကျေးရွာများမှ မြင်တွေ့ကြားသိခဲ့ရကြောင်း သိရသည်။၎င်းဒေသရှိ ရွှံ့မီးတောင်များသည် ရံဖန်ရံခါ ပေါက်ကွဲလေ့ရှိရာ ၂၀၂၄ ခုနှစ် အောက်တိုဘာလအတွင်းကလည်း တစ်ကြိမ် ပေါက်ကွဲမှု ဖြစ်ပွားခဲ့ဖူးသည်။
လက်ရှိတွင် မီးတောင်ဝမှ ရွှံ့ပူများနှင့် ဓာတ်ငွေ့များ ဆက်လက်ထွက်ရှိနိုင်ခြေရှိသဖြင့် ဒေသခံများအနေဖြင့် ဘေးကင်းလုံခြုံရေးအတွက် အထူးသတိပြုကြရန် ဘူမိဗေဒပညာရှင်များက တိုက်တွန်းနှိုးဆော်ထားပါသည်။
လေးမြို့မီဒီယာ
ပုံ - ၂၀၀၈ ခုနှစ် ပေါက်ကွဲခဲ့သော ရခိုင်ပြည် ၊ ရမ်းဗြဲကျွန်းပေါ်က မီးတောင်တစ်ခု /Narinjara
